Central SA
Sewe mense koelbloedig in Noordwes vermoor, verdagtes steeds soek─── CHARNÉ VAN DER MERWE 09:21 Sat, 27 Jul 2024
“Die verdagtes het glo by die taverne aangekom op soek na Basotho-mense en toe net op die mense losgebrand. Al sewe slagoffers is op slag dood.”
Die verdagtes word steeds gesoek nadat sewe mense Saterdag in die vroeë oggendure by ’n taverne in Noordwes vermoor is.
Die sewe slagoffers, ses mans en een vrou, is volgens brig. Sabata Mokgwabone, polisiewoordvoerder, tydens ’n rooftog by die taverne geleë in Uitbreiding 13, Kanana, naby Orkney buite Klerksdorp, doodgeskiet.
Lt.genl. Sello Kwena, Noordwes-polisiekommissaris, veroordeel die moord op hierdie sewe individue ten sterkste.
#sapsNW Seven people were shot and killed in the early hours of today at a tavern at Extension 13, Kanana Location, near Orkney outside Klerksdorp. The suspects reportedly arrived at the tavern, looked for Basotho, then randomly fired shots and instantly killed seven people. NP… pic.twitter.com/I5jamlEduf
— SA Police Service ???? (@SAPoliceService) July 27, 2024
“Die verdagtes het glo by die Mdu se taverne aangekom op soek na Basotho-mense (mense van Lesotho) en toe net op die mense losgebrand. Al sewe slagoffers is op slag dood,” sê Mokgwabone.
Die verdagtes het die taverne se kringtelevisiestelsels, van kontant en kliënte van hul selfone beroof voordat hulle van die toneel gevlug het.
Volgens Mokgwabone fynkam die polisie steeds die toneel.
“Die motief moet nog vasgestel word en nog niemand is in hegtenis geneem nie,” het Mokgwabone bygevoeg.
