Die Noord-Kaapse multidissiplinêre projek om onwettige mynbedrywighede te bekamp, Operasie Vala Umgodi, het tussen Woensdag (26/6) en Vrydag (28/6) rondom Kimberley en in Namakwaland begin. 

Die operasie het gelei tot die inhegtenisneming van 21 verdagtes weens die oortreding van die mynbou- en immigrasiewette.

Operasie Vala Umgodi is toegespits op die bekamping van onwettige mynbedrywighede. Foto verskaf

Die spanne, bestaande uit polisiebeamptes, die SANW en immigrasiedienste het intelligensie-gedrewe operasies in Colville in Kimberley en Belbank in Windsorton in Griekwaland-Wes uitgevoer. Altesaam 21 verdagtes is in die Koingnaas- en Bontekoi-myngebied in Namakwaland in hegtenis geneem. 

Sakke wat moontlik diamantdraende gruis bevat. Foto verskaf

Van die verdagtes kom van Zimbabwe, Lesotho, Mosambiek. Hulle is weens onwettige mynbedrywighede aangekeer, of as ongedokumenteerde immigrante.

Daar is beslag gelê op myntoerusting en sakke wat vermoedelik diamantdraende gruis bevat.

Daar is beslag op myntoerusting gelê. Foto verskaf

Die verdagtes sal na verwagting binnekort voor die onderskeie landdroshowe verskyn.

OFM Nuus cg