De Wet Claassens gesels met Mid-Morning Magic se Yolanda Maartens oor die besonderse dag sowel as 'n liedjie wat hulle vir die dag laat skryf het. 

Volgens Claassens, Engo Vrystaat se hoof- uitvoerende direkteur, het die droom vir 'n liedjie begin met hul Omgie dag waar hulle jaarliks met Omgie dag skole besoek om die boodskap vir kinders te gee oor Omgee. Hulle het gevoel “iets” kort en het toe met Cezanne Yzelle en Jacobus Silwer gesels en vertel dat hulle Engo se hart op ‘n lekker pret manier wil oordra met ‘n liedjie. Soos jy sal hoor het Cezanne en Jacobus Engo se verwagtinge oortref met hierdie spesiale liedjie – Kyk na die Here:

Alle opbrengste van die liedjie gaan aan Engo om die werk wat hule in die Vrystaat doen te bevorder. Die liedjie sal beskikbaar wees op alle aanlyn platforms vanaf die 30ste Oktober af.

Omgie is Engo se amptelike “mascot” en ambassadeur by skole. Sy droom is om vir ander te wys hy gee om. Engo wil graag hierdie gedagte onder kinders van alle ouderdomme kweek, maar ook onder volwassenes, deur hulle bewus te maak van “omgee vir ander”.

Die Engo Omgie Sivviedag sal vanjaar plaasvind op Vrydag 27 Oktober in die vorm van ‘n spesiale “sivviedag” ten bate van Engo. 

Tema: COLOUR ME CRAZY (kleurvolle, gewone klere met helder hare)

Prys vir deelname: R10 vir kinders en R20 vir volwassenes

Elke persoon wat betaal, ontvang ‘n kleurvolle Omgieplakker, wat saam met hulle kleurvolle gewone klere op die dag gedra kan word.  Daarmee saam versoek Engo skole/besighede/die algemene publiek om op Omgiedag ‘n paar mooi foto’s van julle kleurvolle uitrustings op Facebook te plaas, en Engo Vrystaat te “tag”.    

Plakkers is beskikbaar by alle Engo-programme, -kantore, -sentrums en -kinder- en -jeugsorgsentrums.   

Vir enige verdere navrae,  kontak gerus die bemarkingskantoor by 060 548 5543 / 073 566 0078 of stuur ‘n epos aan marinique@engo.co.za