In die lig hiervan wil Stella de Kock, besturende direkteur van Transplant Education for Living Legacies (TELL), die gesprek rondom oorplanting opskerp. “Deur vir jou gesin te sê jy wil eendag ’n orgaanskenker wees, het jy die mag om verskeie lewens te red en ’n erfenis van hoop na te laat.

“Kom ons staan saam as ’n land om bewustheid te skep oor die belangrikheid van orgaanskenking, sodat ons hindernisse kan afbreek wat verhoed dat behoeftiges ’n tweede kans op lewe kry.”

Jordan Barber. Foto: www.diabetessa.org.za

Jordan Barber van Bloemfontein het in Februarie 2018 ’n nieroorplanting ontvang nadat hy vier en ’n half jaar op die waglys was.

“Maak jou voornemens om ‘n orgaanskenker te word bekend, deel jou wense met jou naastes, en teken aan om ’n orgaanskenker te word. Jy weet nooit wanneer jy dalk 'n lewensnoodsaaklike orgaanoorplanting nodig het nie. Orgaanskenking red lewens!” sê Barber.

Hy raai pasiënte op die waglys aan om so gesond moontlik te bly “sodat jy altyd ’n geskikte kandidaat sal bly wanneer jy die oproep ontvang. Moet nooit moed opgee dat die oproep sal kom wanneer jy dit die minste verwag nie!”

Vir nog inligting oor orgaan- en weefselskenking, besoek TELL se sosiale media-bladsye @tellorgza, of webwerf by tell.org.za of stuur ‘n e-pos na info@tell.org.za

OFM Nuus