Central SA
Polisie lê beslag op onwettige sigarette ter waarde van R1,6 miljoen─── 09:10 Sat, 11 Mar 2023
FOTO: Suid-Afrikaanse Polisiediens, Kimberley.
’n Man (44) is met ’n voldoeningskennisgewing bedien vir die handel in onwettige sigarette ter waarde van R1,6 miljoen.
Die man is in hegtenis geneem nadat die Noord-Kaapse grenspolisie, bygestaan deur die eenheid vir openbare orde van Springbok asook die honde-eenheid en lede van die Suid-Afrikaanse Inkomstediens, inligting opgevolg het.
Die sigarette is tussen Upington en Springbok onderskep.
Brig. Schalk Andrews van die Namakwa-streek het die gesamentlike operasionele optrede geloof en die lede bedank vir die opvolg van die inligting wat tot die beslaglegging gelei het.
