“Ons is ongelooflik dankbaar vir die ondersteuning van ons kliënte en sakevennote gedurende die beplanning- en bouproses. Hierdie nuwe kantoor bied nie net ’n professionele en rustige omgewing nie, maar maak dit ook maklik toeganklik vir ons kliënte,” vertel Elretha Kock, hoof- uitvoerende beampte van NWK4Sure.

Die kantoor,  ’n voormalige stoor wat omskep is in moderne kantore, is in Oktober 2024 betrek. Volgens Kock het die plaaslike gemeenskap die nuwe fasiliteit baie positief ontvang. “Elke kliënt wat hier instap, is aangenaam verras.”

NWK4Sure Brokers bied ’n wye reeks finansiële dienste, spesifiek gerig op die landbougemeenskap:

• Korttermyn- en lewensversekering
• Boedelbeplanning en beleggings
• Mediese fondse
• Oesversekering
• Vervoer- en kontrakteursdekking
• Risiko-finansieringsprodukte

“Vir boere wat ná ’n lang plantseisoen ’n blaaskans neem, bied ons ook reisversekering aan.”

Tydens die geleentheid is ‘Gert’, ’n nuwe karikatuur en ambassadeur vir NWK4Sure Brokers, bekendgestel. “Gert help ons om belangrike tendense en markveranderinge op ’n toeganklike manier met ons kliënte te deel.”

Gert begroet kliënte by NWK4Sure Brokers se kantore op Ventersdorp. Foto: OFM.

Die maatskappy het ook ’n gemeenskapsinisiatief “Brokers Baking for Hope” van stapel gestuur. Hierdie program behels dat NWK4Ssure-takke pannekoek bak en die opbrengs aan plaaslike liefdadigheidsorganisasies skenk. “Ons wil graag ’n tasbare bydrae tot die gemeenskap lewer.”

In tye van finansiële druk is versekering dikwels die eerste uitgawe wat mense oorweeg om te sny. Kock raai egter kliënte aan om eers met hul makelaars te konsulteer voordat hulle drastiese besluite neem. “Dit is noodsaaklik om die kern van jou besigheid te beskerm en slim besluite te neem oor jou dekking.”

Sy het verder beklemtoon daar is bekostigbare opsies beskikbaar, soos beperkte of derdeparty-versekering, en dat kritieke items soos brand- en weerligdekking op sonkragpanele dikwels goedkoper is as wat mense dink.

Pieter Kleingeld, groep- uitvoerende beampte van NWK en direkteur van NWK4Sure Brokers, het die belangrikheid van geïntegreerde dienste beklemtoon. “Ons doel is om ’n eenstopdiens te bied wat verseker dat ons kliënte se risiko’s doeltreffend bestuur word. Ons span is kundig en passievol oor wat hulle doen.”

Kleingeld het ook verwys na die veranderende landskap van landbou en tegnologie. “Ons span verstaan die nuutste tegnologie en risiko’s, en ons verseker dat ons die beste produkte en dekking vir ons kliënte bied.”

Met meer as 300 jaar gesamentlike kundigheid en ’n verbintenis tot uitmuntende kliëntediens, bly NWK4Ssure Brokers ’n betroubare vennoot vir die landbougemeenskap.

OFM-bemarkingskantoor mvh