OFM Inhoudsbestuurder, Elzette Boucher-Kruger gesels met Izak Oosthuizen om meer te hoor:

Bespaar Slim – Kommersiële Sonkragoplossings vir die Moderne Besigheid

In ’n wêreld waar energiekoste aanhou styg en energiebetroubaarheid steeds belangriker word, bied Eco Trades in Bloemfontein innoverende sonkragoplossings vir besighede aan wat winsgewendheid en volhoubaarheid bevorder. 

Kommersiële sonkragopsies: Wat is beskikbaar?

Daar is hoofsaaklik twee opsies vir besighede:

• Grid-tie stelsels: Hierdie stelsels werk saam met die bestaande netwerk en lewer onmiddellike besparings op daggebruik. Ideaal vir kantore, kleinhandel en fabrieke met hoë dagverbruik.
• Battery-ondersteunde stelsels: Hierdie kombineer sonkrag met batteryberging en bied buigsaamheid en energie-onafhanklikheid. Dis perfek vir besighede wat nie net in daglig ure werk nie, of wat sensitief is vir kragonderbrekings.

Maar load shedding is tog nou verby?

Alhoewel load shedding tans nie ‘n daaglikse probleem is nie, is daar steeds sterk redes waarom battery-stelsels ‘n slim belegging bly:

• TOU Tariewe (Time of Use): Elektrisiteit is duurder tydens spitstye. Batteryberging help om krag te gebruik wanneer dit goedkoper is en dit te vermy wanneer dit duur is.
• Peak Shaving / Rooi Tyd: Besighede kan hul piekverbruik verminder en so hul energieheffing dramaties verlaag.
• Kragonderbrekings en netwerk-onsekerheid: Daar is nog gereeld plaaslike netwerkprobleme – en ‘n battery gee jou die sekuriteit dat jou besigheid nie stilstaan nie.

Sonkrag met of sonder batterye – wat bespaar jy?

Elke opsie het sy plek. Grid-tie sisteme bied tipies 20% tot 40% besparing op elektrisiteit, met ‘n terugbetalingstyd van 3 tot 5 jaar.

Battery-ondersteunde stelsels kan daardie syfer opstoot tot 60% – selfs 80% afhangend van gebruikspatroon en TOU-tariewe, maar vra ‘n effens langer terugbetalingstyd van 5 tot 7 jaar.

Kry die son aan jou kant!

Of jy nou net wil begin spaar, of ‘n volledige energie-onafhanklike oplossing soek – Eco Trades help jou elke stap van die pad.

Besoek www.ecotrades.co.za of bel 051 111 0804.  Laat ons jou help om slim, groen en kostedoeltreffend te werk!