Terwyl enige rentekoersverlaging verligting bring, sal die trae tempo van rentekoersverlagings wat vir 2025 voorspel word, eenvoudig die uitdagings laat voortduur wat baie huishoudings laat noustrop trek.

Die firma Debt Rescue skets ’n somber prentjie van die boekjaar wat voorlê waarin lewenskoste huishoudings in Suid-Afrika steeds sal laat steier.  

The Monetary Policy Committee reduces the repurchase rate by 25 basis points. #SARBMPCJAN25 #InterestRates pic.twitter.com/vx4EysA9GM

— SA Reserve Bank (@SAReserveBank) January 30, 2025

Lesetja Kganyago, president van die Suid-Afrikaanse Reserwebank, het Donderdag (30/1) aangekondig dat die MBK die repokoers met 25 basispunte verlaag. Dit bring die repokoers op 7,5%, te staan, terwyl die prima-uitleenkoers nou op 11% staan.

In September het die bank ’n broodnodige rentekoersverlaging aangekondig. Dit was ’n verligting vir baie Suid-Afrikaners aangesien dit die eerste rentekoersverlaging in vier jaar was.

Wat is ’n repokoers?

Die bank leen geld aan handelsbanke teen ’n koers bekend as die repokoers. Banke leen geld aan hul kliënte teen die primarentekoers.

[WATCH NOW] Governor Lesetja Kganyago is delivering the first Monetary Policy Committee statement for 2025. Watch here: https://t.co/r1oFFSwoHy #SARBMPCJan25 #Interestrates

— SA Reserve Bank (@SAReserveBank) January 30, 2025

Die primarentekoers word aan die repokoers gekoppel. Dus, wanneer die repokoers verander, verander die prima rentekoers ook.

Wat is die huidige tariewe?

Repokoers: 7,5%

Primarentekoers: 11,00%

(Effektief vanaf 31 Januarie)

Verstaan die uitwerking

Wanneer die repokoers styg, gebeur die volgende:

Rentekoerse op jou huis- of motorlenings sal styg, wat weer die maandelikse terugbetalings sal verhoog.

Rentekoerse op jou spaargeld of beleggings sal ook verander. Banke bied dalk hoër rentekoerse op spaargeld, wat ’n voordeel is as jy ekstra geld het om te spaar of van jou rente lewe.

Wanneer die repokoers daal, gebeur die teenoorgestelde: Rentekoerse op jou huis- of motorlenings sal daal, wat weer die maandelikse terugbetalings sal verlaag. Rentekoerse op jou spaargeld of beleggings sal ook verander. Banke kan laer rentekoerse op spaargeld aanbied.

Hoekom verhoog en verlaag SARB tariewe?

Die repokoers word deur die reserwebank se Monetêre Beleidskomitee vasgestel. Die koers verander sodat inflasie binne die 3%-tot-6%-band kan bly in ooreenstemming met die reserwebank se mandaat.

Redes waarom die rentekoerse kan verander:

• Beheer van inflasie

Inflasie is wanneer die pryse van goedere en dienste mettertyd styg. Repokoersveranderings help om inflasie te beheer. Wanneer die reserwebank meen inflasie is te hoog, kan hy die repokoers verhoog om lenings en besteding in die ekonomie te verminder.

Wanneer mense minder leen en minder bestee, verlangsaam inflasie en help dit om pryse vir almal laer te hou.

• Stimulering van die ekonomie

Repokoersveranderings kan ook groei in die ekonomie aanmoedig.Wanneer die repokoers verlaag word, word dit goedkoper om geld te leen.

Die ekonomie groei wanneer ons meer belê en bestee; maatskappye groei; en werksgeleenthede geskep word – dan kry die ekonomie ’n hupstoot. Beperk jou krediet en handhaaf ’n gesonde krediettelling

Wanneer die repokoers verhoog word, moet jy die volgende doen:

• Probeer om nie te leen nie en gebruik minder krediet.
• Betaal jou rekeninge betyds.
• Bestuur jou skuld verantwoordelik.

’n Vaste rentekoers is ’n koers wat nie gedurende ’n ooreengekome tydperk verander nie.

Wanneer jy geld teen ’n vaste rentekoers leen, bly die koers dieselfde gedurende hierdie tydperk en jou maandelikse paaiemente ook. Vaste rentekoerse bied stabiliteit en beskerming teen potensiële rentekoersskommelings. Dit word algemeen gebruik in huis- en motorlenings, en sommige beleggings.

Onthou om versigtig te wees wanneer jy jou rentekoers vasstel. Die beste tyd om ’n vaste rentekoers te kies, is wanneer rentekoerse laag is, en jy glo dit sal styg.

OFM Nuus mc