Die uitvoering is die 14de November, 19:00 in die Odeion, en toegang is gratis. Marianne sluit by Yolanda Maartens aan in die OFM Kunsteklop om meer te vertel oor die geleentheid en die aand se program.

Marianne het haar vioolloopbaan by Francois Henkins (Bloemfontein), Derek Ochse (Bloemfontein) en Jack de Wet begin totdat sy oorsee is vir nagraadse studie. Sy het haar BMus-graad aan UNISA voltooi en haar meesters- en doktorsgrade aan die Michigan State University (VSA).

Marianne Cilliers-Legierski. Foto verskaf

Sy het ook ’n tweede meestersgraad aan die Universität Mozarteum (Salzburg, Oostenryk) voltooi. Sy het talle beurse en pryse by kompetisies gewen.

Petro Engelbrecht het haar BMus (cum laude), BMusHons (cum laude) en MMus aan die Universiteit Stellenbosch voltooi onder leiding van Bennie van Eeden en Melanie Horne. In 2014 het sy haar DMus aan die Universiteit van Noordwes ontvang. 

In 2002 studeer sy onder Evelyne Brancart aan die Indiana Universiteit, Bloomington (VSA), waar sy ook as begeleier opgetree het. Nadat sy van haar oorsese studies teruggekeer het, het sy ’n aanstelling as begeleier by die UV opgeneem. 

Sy begelei gereeld by nasionale musiekkompetisies en verskeie koorkompetisies. In 2015 het sy ’n konsertreeks, Rhapsody in Bloem, as ’n platform vir amateurmusikante begin en die Rhapsody in Bloem jaarlikse musiekbeurs gestig en is tans 'n vryskutmusikant.

Toegang is gratis en die uitvoering is 19:00 die 14de November by die Odeion in Bloemfontein. 

OFM Nuus cg