Arts
Jacobus Silwer sing sy gunstelling Frank Sinatra-liedjies─── 09:00 Thu, 28 Sep 2023
Sanger Jacobus Silwer is nog altyd lief vir Frank Sinatra se musiek en hy bring van sy gunstelling liedjies na Bloemfontein en die platteland. Hy sluit by Mid-Morning Magic se Yolanda Maartens aan in die OFM Kunsteklop.
Jacobus gesels oor sy liefde vir "golden oldies" en ook die unieke Karoohuis Teater wat hy en sy vrou Lizzy op Fauresmith bedryf.
By die Karoohuis Teater is hy die 14de Oktober saam met Anton Esterhuyse (klavier) op die verhoog.
Jacobus se tweede intieme optrede is in Bloemfontein by die Planetarium die 17de November. Dit word aangebied met ondersteuning van die Kunstetrust.
Jacobus is ook bekend vir sy besonderse sketse en doen ook graag spesiale bestellings. Loer gerus na sy kunswerke aanlyn.
