National
Rondloper leeu uiteindelik gevang─── 07:57 Tue, 30 Jun 2015
Nelspruit - Die rondloper leeu in die Karoo is uiteindelik gevang.
Die driejarige leeumannetjie wat later Sylvester genoem is, het boere in die omgewing die afgelope drie weke op hol gehad terwyl hy kat-en-muis met spoorsnyers gespeel het.
Hy het blykbaar deur die heining van die Karoo Nasionale Park ontsnap.
Volgens SANParke se Reynold Thakuli het Sylvester 'n bloedspoor van 26 skape en 'n koedoe agtergelaat.
Die leeu is gistermiddag opgemerk waar hy op 'n rots in die Nuweveldberge op Palmietfontein in die son gelê het. Hy is volgens die berig vanuit 'n helikopter met 'n doofpyl geskiet en na die park teruggeneem.
AlgoaFM
Reynold Thakuli :
