National
Kaalbas baaiers het nuwe heenkome─── 09:12 Sat, 04 Apr 2015
Mpenjati - Kaalbas baaiers het vanaf hierdie naweek 'n nuwe heenkome aan die KwaZulu-Natalse suidkus. Mpenjati-strand naby Trafalgar is nudiste-vriendelik verklaar, ná maande se aansoeke, appèlle en sterk teenreaksie.
Die voorsitter van die Suid-Afrikaanse Nudistevereniging, Serge Pavlovic, het aan Traveller24 bevestig dat die opening voortgaan soos beplan, ondanks teenstand van ? groep bekommerde inwoners.
Hy sê ? paar honderd nudiste sal na verwagting vandag en môre op die strand wees en dat hulle verskeie aktiwiteite beplan vir die opening van Suid-Afrika se eerste amptelike nudistestrand.
Sandy Bay in Kaapstad word algemeen as ? nudistestrand aanvaar maar volgens Pavlovic is dit nog nie amptelik as sodanig verklaar nie.
-news24.com/Maroela Media
