South Africa
ANC stoomroller begrotingsraamwerk─── 19:31 Wed, 02 Apr 2025
Die minister van finansies, Enoch Godongwana, en die Nasionale Tesourie is gereed om Suid-Afrika se 2025-begroting te finaliseer en dit volgende Woensdag (9/4) aan die Parlement vir goedkeuring voor te lê.
Die Nasionale Vergadering het Woensdag (2/4) die fiskale raamwerk vir die 2025-begroting goedgekeur nadat dit reeds twee keer uitgestel is weens meningsverskille binne die regering van nasionale eenheid oor belangrike voorstelle, veral die omstrede 2%-BTW-verhoging.
Die aanvanklike begrotingsproses in Februarie is uitgestel na 12 Maart 2025 om verdere besprekings oor kritieke fiskale oorwegings en befondsingsprioriteite moontlik te maak. Hierdie uitstel was daarop gemik om konsensus onder koalisievennote in die regering van nasionale eenheid te verseker en om die land se ekonomiese uitdagings verantwoordelik aan te spreek.
Members of Parliament voted to adopt the 2025 Budget Framework ???
— South African Government (@GovernmentZA) April 2, 2025
? For: 194 votes
? Against: 182 votes
? Abstentions: 0
Key budget elements include:
?? VAT will increase by 0.5% from 1 May 2025, followed by another 0.5% on 1 April 2026.
?? No adjustments to income tax… pic.twitter.com/6hNiDWbP6z
’n Suid-Afrikaanse parlementêre komitee het die fiskale raamwerk vir die 2025-begroting goedgekeur, maar Godongwana versoek om die aangepaste en voorgestelde 0,5%-BTW-verhoging te heroorweeg en alternatiewe inkomstebronne te ondersoek.
Hierdie besluit het spanning binne die koalisieregering verdiep, aangesien partye soos die DA sterk gekant was teen die belastingverhogings en gepleit het vir begrotingsaanpassings om groei te bevorder en koste te verminder.
ActionSA het eindelik die fiskale raamwerk met voorwaardes ondersteun, maar het kritiek van die DA ontvang, wat die party daarvan beskuldig het dat hulle beginsels prysgegee het. Die goedkeuring van die raamwerk het onsekerheid veroorsaak, met potensiële regsgedinge en ekonomiese gevolge, soos weerspieël in die verswakking van die rand.
EFF leader Julius Malema rejects #Budget2025. This after MPs voted in favour of the budget. #DStv403 pic.twitter.com/qMaclxcnwb
— eNCA (@eNCA) April 2, 2025
Te midde van vuurwarm debatte het die Parlement se speaker, Thoko Didiza, ’n versoek van die DA, EFF en MK Party verwerp om die verslag van die staande komitee oor finansies terug te trek en ook die sitting uit te stel. ’n Chaotiese toneel het in die Huis gevolg.
In ’n vurige verdediging van die Nasionale Begrotingsraamwerk het Godongwana gesê enige impak wat ’n verhoging in BTW op die armes sou hê, meer as verreken word deur ’n toename in BTW-vrygestelde produkte, sowel as verhoogde besteding aan maatskaplike dienste soos gesondheidsorg en onderwys.
Godongwana het gesê die Nasionale Tesourie het geluister na diegene wat kommentaar gelewer het oor die syfers. Hy het gesê dat dit gedemonstreer word deur die feit dat die Suid-Afrikaanse Inkomstediens meer geld gegee is om uitstaande belasting ter waarde van sowat R800 miljard in te vorder. “Ek dink nie jy kan teen die begroting stem en môre deel wees van die implementering daarvan nie,” het hy na die DA gekap.
Presidential @SpokespersonRSA spoke to the media on conclusion of the Budget Debate in the National Assembly.
— The Presidency ???? (@PresidencyZA) April 2, 2025
?? Nieuwmeester Dome, Parliament, Cape Town #Budget2025 pic.twitter.com/AqX3gSAFfK
Die Parlement het egter amptelik die 2025-fiskale raamwerk en inkomstevoorstelle goedgekeur, wat die weg baan vir die regering om sy begrotingsplanne vir die nuwe finansiële jaar uit te voer. Die stemming is met ’n noue meerderheid aanvaar, met 194 LP’s ten gunste en 182 daarteen. Daar was geen weerhouding van stemme nie.
Die voortdurende geskille het parlementêre skedules vertraag, met potensiële hofuitdagings wat dreig. Die Demokratiese Alliansie beplan om die parlement se goedkeuring van die begrotingsraamwerk in die hof uit te daag.
The DA will file papers in the Western Cape High Court to challenge Parliament’s passing of the 2025/26 National Budget. This VAT hike budget will make life more expensive for everyone and the DA will go to court to fight for the interests of all South Africans.
— John Steenhuisen MP (@jsteenhuisen) April 2, 2025
Die DA het verder gesê dat die ANC se optrede “ ’n ernstige oortreding” uitmaak en dat dit “’n lyn in die sand oorgesteek het” deur die 2025-fiskale raamwerk goedgekeur te kry met die steun van ’n party wat nie deel van die regering van nasonale eenheid is nie.
Die DA het nie aangedui of dit oorweeg om die regering van nasionale eenheid te verlaat nie.
OFM Nuus cg
