Die Fidelity Services Group sê hoewel dit onbevestig is, bestaan die risiko dat die All Truck Drivers Forum en Allied SA (ATDF-ASA) se stakings reeds die naweek kan begin. Dit volg op ’n uitgerekte geskiedenis van ses jaar van geweld in die Suid-Afrikaanse vragmotor- en padvragbedryf.

Die spanning in die bedryf is al sedert 2018 duidelik, met die hoofbeswaar die indiensneming van buitelandse vragmotorbestuurders.

Ziyakhala on N3! Johannesburg to Durban has been shutdown by truck drivers at Van Reenens pass.

Mbalula failed to respond to truck drivers demands. pic.twitter.com/o8rqOvLsGe

— Entrepreneur Zone (@SayEntrepreneur) December 3, 2021

Die ATDF-ASA voer aan dat verskeie vragmotormaatskappye in die land gereeld en onwettig buitelandse vragmotorbestuurders huur teen ’n laer koste om wins te verhoog, wat Suid-Afrikaanse vragmotorbestuurders werkloos laat.

Volgens Fidelity kan groot roetes in die land geraak word, insluitend die N2 en R75 in Gqeberha, die N10 by Nxuba (voorheen Cradock), en die N9 by Middelburg in die Oos-Kaap.

Fidelity sê die Information & Tactical Operations Centre (ITOC) is ’n gesentraliseerde spilpunt wat intydse en vroeë waarskuwingsinligting van verskeie bronne ontvang en die situasie sal monitor en gereeld verslae sal verskaf.

OFM Nuus cg