South Africa
Regering van Nasionale Eenheid: ‘Kalmte, wysheid moet seëvier’─── 06:43 Tue, 25 Jun 2024
![Regering van Nasionale Eenheid: ‘Kalmte, wysheid moet seëvier’ Regering van Nasionale Eenheid: ‘Kalmte, wysheid moet seëvier’ | News Article](https://oscar.ofm.co.za/img/6fcad90b-b258-4f31-b24a-c777429b2719.jpg?crop=0,0,800,450)
“Dit is belangrik dat kalmte en wysheid seëvier tydens die laaste stadium van onderhandelinge.”
Spanning neem toe tussen die ANC en DA oor die vorming van die Regering van Nasionale Eenheid.
Steenhuisen, DA-leier, sê egter ’n ooreenkoms met die ANC kan binne ’n dag of twee aangekondig word ná positiewe gesprekke met president Ramaphosa.
The country’s hopes are pinned on the success of the GNU. Our stated commitment to work together constructively and for South Africa’s benefit has generated a great deal of goodwill that we should not squander. https://t.co/jSbiZVaL4x pic.twitter.com/dqbGHlUjRA
— Cyril Ramaphosa ???? (@CyrilRamaphosa) June 24, 2024
Die DA-leier het ’n groot gedeelte van Maandag in ’n een-tot-een-vergadering met president Cyril Ramaphosa in Pretoria deurgebring en was optimisties daarna. “Die vergadering was ongelooflik positief en ek glo ons is baie nader daaraan om ’n oplossing te vind wat vir alle Suid-Afrikaners kan werk,” het Steenhuisen gesê.
“Die onderhandelingspanne van al die partye het uitstekende werk gedoen. Wat die Nederlandse koalisieregering ses maande geneem het om te navigeer, het Suid-Afrikaanse partye binne ’n paar weke reggekry.”
The ANC needed to go into negotiations with EFF and MK Party,
— Sive ? (@SiveXaluva) June 24, 2024
Ask for EFF and MK to donate their national numbers to them for a full control nationally
In exchange to give the EFF a control of either Limpopo/Gauteng
Then give KZN to the MK Party
We'd have a government by now! pic.twitter.com/X8AH2ZDym8
Sonder Steenhuisen se party sou die alternatief ’n koalisie wees tussen die ANC, EFF en MK-party wees. Steenhuisen het dit die “oordeelsdagkoalisie” genoem.
“Ons verstaan die las en ons moet doen wat reg is vir die land en veral vir die meer as drie miljoen Suid-Afrikaners wat hul stemme aan ons toevertrou het,” het hy gesê.
Daar is die naweek berig dat die DA op die adjunkpresidentskap aangedring het.
‘DA laat gaan eis oor adjunkpresident’
Helen Zille, DA-federale voorsitter, het aan die ANC-sekretaris-generaal, Fikile Mbalula, ’n voorstel gemaak dat die DA 11 kabinetsposte wil hê, insluitend dié van adjunkpresident in 'n regering van nasionale eenheid.
The African National Congress (ANC) notes with concern that some parties have been making outlandish and outrageous demands for specific Cabinet positions in the media.
— ANC SECRETARY GENERAL | Fikile Mbalula (@MbalulaFikile) June 24, 2024
Negotiating through leaking demands to the media is an act of bad faith and this practice will not help the… pic.twitter.com/WidNOLODYp
Steenhuisen het egter aan The Citizen gesê hoewel dit normaal is in ’n koalisie dat die tweede-grootste party die nommer twee-posisie toegeken word, het die DA dit laat gaan ten gunste van 'n meer regverdige kabinet.
“Dit is nuwe terrein vir die DA,” het Steenhuisen gesê en bygevoeg: “En nuwe terrein vir die land.
“Dit is belangrik dat kalmte en wysheid seëvier tydens die laaste stadium van onderhandelinge.”
???? Never bet against the people of South Africa!
— Democratic Alliance (@Our_DA) June 24, 2024
"It will take years of sustained hard work, perseverance, maturity and cooperation across all sectors of society to get our country back on track." - John Steenhuisen, DA Leader#DAturns24 pic.twitter.com/02KvpVxGXW
Kleiner partye wat minder stemme gekry het as die aanvanklike 2%-drempel wat die ANC gestel het, het ook onlangs deelname aan die GNU aangekondig. Dit sluit Rise Mzansi, Good, die PAC en Multi-Party Coalition en die Vryheidsfront Plus in. Al Jama-ah het ook op die wa gespring nadat hy die GNU eers verwerp het.
Die DA het vroeër gister in ’n verklaring gesê hy streef na ’n inklusiewe en regverdige verdeling van kabinetsposte waar partye wat byvoorbeeld net ’n klein gedeelte van die stemme getrek het, nie buite verhouding beloon word nie.
‘Ons hou vol dat ons uiteindelik die land eerste moet stel’
“Dit sal nie regverdig wees om ’n Kabinet-setel toe te ken aan ’n party wat minder as ’n persent van die stemme gekry het nie en dan slegs drie setels toe te ken aan ’n party wat 22% van die stemme gekry het,” het die verklaring gelui.
Berigte wat daarop aandring dat die ANC se nasionale uitvoerende komitee (NUK) die samesprekings oorneem en die DA om die tafel verwyder, het Steenhuisen gesê, was nog altyd 'n opsie vir die ANC. “Ons hou vol dat ons uiteindelik die land eerste moet stel,” het hy gesê.
OFM Nuus cg