Die Springbokrugbyspan se terugkeer huis toe is Sondag (23/6) weens swak sigbaarheid op Londen se Heathrow-lughawe vertraag. Talle vlugte is uitgestel.

SA Rugby het gesê die seëvierende Bokke moes nog ’n nag in Londen deurbring en het Maandagmiddag ’n vlug gehaal wat Dinsdag in die vroeë oggendure in Suid-Afrika sou aankom.

It’s after midnight in Heathrow. Flight has been cancelled. The @Springboks are dancing.
Surreal… we’re tired and dirty, don’t know what time our flight will be rescheduled. But the Springboks are dancing ?????? #bokke ?? pic.twitter.com/rGl5YWyVKm

— Shanthini Naidoo (@ShantzN) June 23, 2024

“Die span – wat Saterdag die seisoen met ’n sege van 41-13 op Twickenham teen Wallis afgeskop het – sou Sondagaand na Suid-Afrika terugvlieg om met voorbereidings vir die Castle Lager Incoming-reeks te begin. SA Rugby het gesê weens die vertraging sou die Springbokafrigter, Rassie Erasmus, eers Dinsdag sy groep vir die Castle Lager Incoming-reeks bekend maak.

Dit het egter gelyk of die Springbokke tydens die vertraging die beste van ’n slegte situasie gemaak het en laatnag begin sing en dans het. ’n Suid-Afrikaanse gesin wat ook op Heathrow vasgevang was, het die vreugdevolle oomblikke vasgevang.

OFM Nuus cg