Suid-Afrika sal Donderdagmiddag weet hoe goed die Klas van 2023 gevaar het wanneer die Departement van Basiese Onderwys die nasionale en provinsiale slaagsyfers bekend maak.

Mathanzima Mweli, direkteur-generaal van basiese 0nderwys, sê die departement is gereed vir die amptelike aankondiging.

"Ons is meer as gereed. Die gemeenskappe, onderwysers, ouers en leerlinge het baie hard gewerk. Ek het hulle gesien toe ons verskeie projekte in landelike gebiede en nedersettings gemonitor het. Elke Saterdag het leerlinge sonder versuim skool toe gegaan. Ons is versigtig optimisties oor wat die minister gaan sê.” 

Today at MTN Innovation Centre in Randburg. Minister of Basic Education, Mrs. Angie Motshekga, and Deputy Minister, Dr. Reginah Mhaule will be having breakfast with the 2023 matric top achievers. pic.twitter.com/erQam6Iaxk

— Dep. Basic Education (@DBE_SA) January 18, 2024

Die 34 toppresteerders van verskeie skole oor die land heen, is Donderdagoggend deur Angie Motshekga, minister van basiese 0nderwys, in Randburg vereer.

Motshekga sal die uitslae om 18:00 bekend maak.

It’s happening today pic.twitter.com/2hranxDtb9

— Elijah Mhlanga (@ElijahMhlanga) January 18, 2024

Leerders kan op die volgende maniere toegang tot hul uitslae kry (of registreer om dit te ontvang):

• Leerders kan hul uitslae direk by die skool of instansie kry waar hulle die eksamen afgelê het. Hierdie uitslae sal dalk eers ná 12:00 op die uitreikingsdag toeganklik wees.
• Leerders kan ook direk toegang tot hul uitslae kry deur hier by die Departement van Basiese Onderwys se webwerf aan te meld. Voor hulle bevestiging van hul registrasie ontvang, sal kandidate 'n tweestap-verifikasieproses moet voltooi. Hulle moet hul identiteitsnommer en eksamennommer verskaf om te registreer. Toegang tot die DBE-webwerf kan sonder datakoste verkry word, wat beteken toegang kan verkry word ongeag of die gebruiker data het of nie.
• ’n Aantal aanlyn nuuswebwerwe sal die uitslae publiseer. Matriekkandidate wat die eksamen deur die Onafhanklike Eksamenraad geskryf het, kan al vanaf 00:01 op Donderdag 18 Januarie, aanlyn toegang tot hul uitslae kry, terwyl die uitslae van die openbare skoolstelsel op Vrydag 19 Januarie om 06:00 aanlyn gepubliseer sal word vir agt van die nege provinsies.
  (Die Wes-Kaap sal sy uitslae om 16:00 dieselfde dag publiseer.)
• Om hul matriekuitslae te ontvang, kan leerders hul eksamennommer SMS na 45856. Die stelsel sal hul eksamennommer verifieer en dan hul uitslae aan hulle stuur. Elke SMS kos R1,50, en gratis SMS’e kan nie gebruik word nie.
• Leerders kan hul matriekuitslae ontvang deur die USSD-kode *120*45856# te gebruik en hul eksamennommer in te voer om te registreer. Die leerder se matriekuitslae sal dan na hul foon gestuur word sodra dit beskikbaar is. Die USSD-diens sal teen R1,50 per minuut gehef word.
• Laai die MatricsMate app gratis af by Google Play en Apple App Stores.
  Die meeste Saterdagkoerante sal die matriekuitslae op 20 Januarie publiseer.

Wat as ek my matriekuitslae wil verbeter?

As jy nie tevrede is met jou uitslae nie, is die volgende geleentheid om jou uitslae te verbeter in Junie. Volgens die departement kan jy vir die Junie NSS-eksamen aanlyn of by ’n distrikskantoor registreer – nie later nie as 8 Februarie.

OFM Nuus dg