“Ons is baie tevrede met die uitslae. Ons het ‘n 100%-slaagsyfer.” Altesaam 95% van die Eunice-matriekgroep van 2017 het geslaag met universiteitstoelating.

Die gr.12-gemiddeld verlede jaar was 75%, sê De Wet.

Altesaam 166 leerlinge aan dié skool het die matriekeksamen afgelê en altesaam 418 onderskeidings is ingepalm.

Volgens De Wet het 45 leerlinge vier en meer onderskeidings behaal.

Sy loof die Eunice-matriekklas van 2017 vir hul harde werk en deursettingsvermoë. Die skool se toegewyde leerkragte het ook ‘n groot bydrae gelewer.

Dít is ‘n klinkklare bewys en boonop was Ansuné Naudé, wat verlede jaar aan dié skool gematrikuleer het, onder die provinsie se agt toppresteerders. Sy spog met agt onderskeidings en het 98% in wiskunde behaal.

De Wet sê hulle is baie trots op haar.

“Ansuné was ons dux-leerling verlede jaar.” Sy is hardwerkend en haar medeleerlinge kyk op na haar.

Ansuné het onderskeidings in Afrikaans (eerste addisionele taal) (97%), Engels (huistaal) (90%), lewensoriëntering (93%), fisiese wetenskap (97%), lewenswetenskap (92%), rekeningkunde (93%) en ingeneursgrafika-en-ontwerp behaal (93%).

Sy gaan vanjaar meganiese ingenieurswese aan die Universiteit van Stellenbosch studeer.

Naudé sê haar suksesresep is harde werk.

Kliek hier vir nog OFM-nuus