Byna 300 leerders wat vroeër vandeesmaand in Nigerië ontvoer is, is Sondagoggend vrygelaat, het die goewerneur van die land se Kaduna-staat op X aangekondig.

“Die ontvoerde Kuriga-kinders is ongedeerd vrygelaat,” het Uba Sani gesê sonder om verdere besonderhede te verskaf. Sani het ook die Nigeriese president, Bola Tinubu, bedank, wat “voortdurend saam met ons gewerk het om die veilige terugkeer van die kinders te verseker”.

NPR berig meer as 300 leerders is op 7 Maart deur gewapendes op motorfietse ontvoer. Hulle het die LEA Primêre en Sekondêre Skool op die dorpie Kuriga in Kaduna se Chikun-distrik bestorm, het die staat se polisiewoordvoerder Mansur Hassan aan CNN gesê.

STATE HOUSE PRESS RELEASE

PRESIDENT TINUBU WELCOMES RELEASE OF KURIGA SCHOOL CHILDREN, SAYS SCHOOLS MUST BE MADE SAFE AND SECURE FOR LEARNING

President Bola Tinubu welcomes the news of the release of the Kuriga school children in Kaduna State and emphasizes the importance of… pic.twitter.com/YQx5ETRQak

— Presidency Nigeria (@NGRPresident) March 24, 2024

Sommiges is gered, maar 287 is twee weke gyselaar gehou deur die ontvoerders – sowat 100 was laerskoolleerders en die res van die hoërskool.

Die ontvoerders het verlede week ’n losprys van 1 miljard naira ($620 000) geëis en gedreig om al die leerders dood te maak as daar nie aan hul eise voldoen word nie, het ’n lid van die plaaslike gemeenskap gesê.

Sani het Sondag bygevoeg dat die land se nasionale veiligheidsadviseur Nuhu Ribadu die “operasies van die veiligheidsagentskappe gekoördineer het, wat uiteindelik tot hierdie suksesvolle bevryding gelei het”.

JUST IN: Kidnapp€rs' hideout, where school children were taken, busted in Epe in Lagos state

pic.twitter.com/Cn0zJi9CfB

— Nigeria Stories (@NigeriaStories) March 17, 2024

“Die Nigeriese weermag verdien ook spesiale vermelding omdat hulle gewys het met moed, vasbeslotenheid en toewyding kan kriminele elemente onskadelik gestel word en ons veiligheid in ons gemeenskappe kan herstel,” het Sani gesê.

OFM Nuus cg