Health
Cancervive stel THUTO bekend om inligting oor kanker op jou slimfoon te deel─── 09:00 Wed, 04 Dec 2024
Charmaine Rider, Administrateur en Finansiële Bestuurder by Cancervive, het onlangs met Yolanda Maartens gesels tydens ’n buiteuitsending in Klerksdorp.
Cancervive se doelwitte is om inligting oor kanker met gemeenskappe dwarsoor die land te deel, bewusmaking te kweek en stigmas te breek. Charmaine gesels verder ook oor THUTO, hul WhatsApp-lyn, waar mense in verskeie tale inligting oor kanker kan kry.
THUTO, is ’n veeltalige WhatsApp Bot wat verseker dat individue in landelike en onderbediende gemeenskappe billike en maklike toegang tot inligting, onderwys en ondersteuningsdienste het. Hierdie bot sal dien as ’n sentrale middelpunt vir individue om relevante inligting te vind.
Die Cancervive-verhaal het begin met ’n dinamiese groep borskanker-oorlewendes - gedryf deur die inspirasie om hoop te versprei. Hulle het landwye motorfietsreise onderneem, wat hul viering van die lewe simboliseer om ’n boodskap van hoop te versprei. Uit hierdie geesdriftige inisiatief het die dringende behoefte aan kankerbewustheid en -opvoeding duidelik sigbaar geword, veral in die landelike gemeenskappe van Suid-Afrika.
