Dr. Corlia Loots van Mediclinic Bloemfontein sluit by Yolanda Maartens aan om te verduidelik hoe belangrik genetiese toetse kan wees, veral vir vroue. Sy verduidelik ook wat ’n mens dan met die inligting doen en hoekom daar professionele spanne betrokke is om die uitslae te bespreek.

Ongeveer 6-10% van pasiënte wat borskanker kry, het ‘n genetiese mutasie wat hulle by een van hul ouers oorgeërf het.

Die twee gene wat meestal hier ter sprake is, is die BRCA1- en BRCA2-gene. Genetiese toetse kan gedoen word om te bepaal of ’n persoon ’n draer is van een van hierdie geenmutasies. Dit word byvoorbeeld aanbeveel in borskankerpasiënte wat jonger is as 50 of wat ‘n sterk familiegeskiedenis van kanker het. Die ideaal is om van ’n genetiese raadgewer gebruik te maak.

Indien ‘n familielid bekend is met so ‘n mutasie, kan genetiese toetse gedoen word om te bepaal of ander familielede ook die genetiese mutasie het. 

Draers van die BRCA-gene het ‘n meer as 50%-risiko om borskanker in hul leeftyd te ontwikkel. 

Profilaktiese prosedures, byvoorbeeld ‘n dubbele mastektomie, kan dan oorweeg word. Leefstylaanpassings kan verder ook bydra om enige persoon se risiko om borskanker te kry te verminder. 

Kontak gerus dr. Loots by 051 492 4487.