On Now
Weekdays 09:00 - 12:00
Mid-Morning Magic Yolanda
NEXT: 12:00 - 15:00 At Lunch with Pulane
Listen Live Streams

Central SA

Vrystater in aanhouding ná hy glo baba teen muur gooi

───   CHARNÉ VAN DER MERWE 09:06 Wed, 02 Apr 2025

Vrystater in aanhouding ná hy glo baba teen muur gooi | News Article
Foto ter illustrasie: iStock

’n Vrystaatse man sal na verwagting Dinsdag (8/4) weer in die hof verskyn nadat hy na bewering ’n kleuter teen ’n muur gegooi het.

Die verdagte (50) het Maandag (31/3) in die Bloemfonteinse landdroshof verskyn op ’n aanklag van aanranding, sê Mahlomola Kareli, Vrystaatse polisiewoordvoerder. 

Volgens Kareli het die verdagte se vriendin (29) Saterdag omstreeks 00:10 haar twee kinders in sy sorg by sy huis in Glen, ’n woonbuurt noord van Bloemfontein, gelos sodat sy ’n buurman se selfoon kon leen om aanlynbankdienste te gebruik. “Hy het na bewering ’n tweejarige meisie met geweld teen ’n muur gegooi en haar in die gesig geslaan.”

Foto ter illustrasie: Canva

“Met haar terugkeer het die kêrel haar daarvan beskuldig dat sy ’n ander man gesien het. Hy het haar na bewering aangerand voordat hy die kinders wakker gemaak en weggejaag het. 

“Toe die tweejarige meisie weier om te vertrek, het hy haar na bewering opgetel en met geweld teen ’n muur gegooi. Hy het haar toe met ’n oop hand in die gesig geklap,” sê Kareli

Skuiling gesoek

Uit vrees vir haar en haar kinders se veiligheid het die ma saam met die beseerde kleuter en haar ander kind gevlug en skuiling by haar ma se huis gesoek. Die kleuter se gesig en lippe was geswel, en haar neus het gebloei.

Die Glen-polisie het ’n aanrandingsaak geopen waarna die man in hegtenis geneem is. 

Hy bly in aanhouding.

OFM Nuus mvh

@ 2025 OFM - All rights reserved Disclaimer | Privacy Policy | We Use Cookies - OFM is a division of Central Media Group (PTY) LTD.