Central SA
Platfontein, Galeshewe sonder krag ná meisie se skokdood─── 08:40 Sun, 09 Apr 2023
Foto ter illustrasie: Unsplash
Kragtoevoer na die nedersetting Platfontein buite Kimberley is Saterdag afgeskakel nadat ’n meisie haar daar doodgeskok het. Dit het ook tot ’n kragonderbreking in die township Galeshewe gelei.
Die krag sou afgeskakel bly terwyl die voorval ondersoek word, sê Thoko Riet, woordvoerder van die Sol Plaatje-munisipaliteit. Forensiese ondersoekers moes die toneel eers veilig verklaar.
Sy sê die munisipaliteit en polisie probeer nog vasstel presies wat gebeur het en of infrastruktuur beskadig is.
Kapt. Tessa Jansen, polisiewoordvoerder, was nie Sondagoggend beskikbaar om kommentaar te lewer nie.
