Central SA
Leeuwyfie ontsnap van bakkie─── 05:57 Thu, 23 Feb 2023
FOTO: snowafricaadventure.com
‘n Leeuwyfie het Woensdag 22 Februarie 2023 omstreeks 08:00 uit haar hok ontsnap, terwyl sy agterop ‘n bakkie op die Beesdam-pad tussen Stella en Tlakgameng in Noordwes vervoer is.
Die eienaar het eers besef sy het ontsnap toe hy sy bestemming by Tlagameng bereik het.
Beamptes van die departement van natuurbewaring en plaaslike boere is op die uitkyk vir die dier.
Inwoners word gewaarsku om op hul hoede te wees.
Mense met inligting oor waar die leeuwyfie haar bevind, kan die volgende mense skakel: Nanti Strydom (082-563-7763) of Siyabonga Mseleku (073-446-7452 of 081-336-6882) van Natuurbewaring, of die plaaslike polisiestasie.
