’n Datalys is in 1963 geskep as die wêreld se mees omvattende bron van inligting oor die bewaringstatus van plant- en dierspesies, waarvan 210 spesies vir die eerste keer in die jongste opname aangemeld is.

Die woordvoerder van die Suid-Afrikaanse Biodiversiteitsinstituut - Nontsikelelo Mpulo - sê die meeste spesies behoort aan die genus Conophytum, 'n groot en diverse groep dwergvetplante.

Mpulo sê 97 persent van die genus word in een van die drie bedreigde kategorieë gelys, terwyl 45 persent in die hoogste kategorie as kritiek bedreig bestempel word. Volgens Mpulo het die aantal plante wat deur wetstoepassingsagentskappe van onwettige handelaars gekonfiskeer word ook jaarliks met 250 persent toegeneem - met die Namakwa-streek as teikengebied vir stropers die afgelope drie jaar.

Drie spesies Alwynkokerbome word ook as bedreig gelys, terwyl die bekende Kokerboom (wat oor groot dele van die ZF Mcgawu-streek en Namakwaland voorkom ook as kwesbaar bestempel word.

OFM-nuus/Roderick Titus