Central SA
Roekelose bestuur ondersoek na treinbotsing─── HEIDRÈ MALGAS 14:21 Mon, 30 May 2022
‘n Saak van roekelose bestuur is vandag by die Heidedal polisiestasie aanhangig gemaak.
Dit volg nadat ‘n trein met twee motors gebots het.
‘n Bestuurder en ‘n insittende van een van die voertuie het vanoggend na veiligheid gespring voordat die aankomende trein hulle kon tref.
Volgens polisiewoordvoerder Joseph Covane het die goederetrein, wat sement vervoer het, met twee motors gebots het.
“Een van die motors - ‘n Volkswagen Golf - het in die middel van die spoorlyn vasgesit” het hy gesê.
Hy voeg by dat die ander motor, ‘n Volkswagen Jetta, gepoog het om die ander motor verby steek, maar die trein het gevolglik beide motors getref en ‘n ent gesleep.
“Die 56-jarige bestuurder van die Jetta het tydens die ongeluk beserings opgedoen en is na die hospitaal gehaas. Albei voertuie is ernstig deur die impak beskadig. Die ondersoek in die saak duur voort,” voeg Covane by.
