Central SA
Noodmaatreëls in plek by R31 na oorstroming─── 15:40 Fri, 25 Mar 2022
Die Departement van Vervoer in die Noord-Kaap is tans besig om noodmaatreëls by die R31 tussen Kaufmansfontein en Middelpos in plek te stel.
Die pad het oorstroom weens onlangse swaar reën.
Departementswoordvoerder, Crystal Robertson sê hulle het tot dusver waarskuwingstekens aangebring waar die oorstromings plaasgevind het om verkeer te reguleer.
LEES MEER: Noord-Kaapse gesondheidswerker sterf ná ongeluk
Sy voeg by motoriste word aangemoedig om by die spoedgrens te hou, terwyl 'n span van die Departement ook ontplooi is om watervlakke te monitor.
LEES MEER: Ondersoek na ongeluk naby Groblershoop duur voort
Die Departement het ook, volgens Robertson, reeds met belanghebbendes gekommunikeer om te verseker dat die veiligheid van motoriste 'n prioriteit is.
OFM-nuus/Roderick Titus
