Central SA
Ondersoek na ongeluk naby Groblershoop duur voort─── 14:37 Thu, 24 Feb 2022
Die oorsaak van 'n noodlottige ongeluk in die Noord-Kaap word steeds ondersoek.
Ses mense, waaronder twee minderjariges wat onderskeidelik 7 en 3 jaar oud is, is Dinsdagaand naby Groblershoop se Sternham-woongebied dood.
Polisiewoordvoerder Ompile Masegela sê die ongeluk het plaasgevind toe 'n voertuig van agter met 'n bakkie gebots het.
Die voertuig het twee insittendes gehad, en die bakkie elf - waarvan 9 agter op die bakkie en 2 voor gesit het.
Masegela sê 6 mense is op die toneel dood verklaar, en 'n saak van strafbare manslag word ondersoek.
Die oorlewende 5 insittendes van die bakkie en 2 van die voertuig is met ernstige beserings in Upington in die hospitaal opgeneem.
OFM-nuus/Roderick Titus
