Agri Hour
Pryse vir speenkalwers lyk steeds goed─── 05:00 Thu, 04 Mar 2021
'n Bekende in die veebedryf, Chris Derksen, verskaf soos oudergewoonte die veilingspryse vir lewende hawe.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik.
Sien onderstaande PODCAST
Volgens Derksen het speenkalwers op die plaaslike veilings, onder 200kg, teen R42,44 per kg verkoop. Speenkalwers tussen 200kg en 250kg het teen R40,09 en speenkalwers oor 250kg het teen R37,31 per kg verkoop.
Ander veilingspryse vir beeste:
| A-klas beeste | R27,47 per kg | |||
| B-klas beeste | R25,11 per kg | |||
| C-klas vet koeie | R23,67 per kg | |||
| Maer koeie | R21,60 per kg | |||
| Slagbulle | R24,88 per kg | |||
| Skape | ||||
| Stoorlammers | R41,04 per kg | |||
| Slaglammers | R38,36 per kg | |||
| Stoorskape | R30,03 per kg | |||
| Vet skape | R27,77 per kg | |||
| Bokke | ||||
| Lammers | R48,88 per kg | |||
| Ooie | R36,25 per kg | |||
Intussen deel Derksen dat “dis baie interessant dat pryse so goed bly - die aanvraag bly baie goed. Dis interessant dat vet koeie nog steeds skaars is want so laat in die somer sal 'n mens dink hulle word volop maar hulle pryse is regtig goed”. Hy voeg verder by dat omdat ons nou in die speentyd beweeg, was daar 'n verwagting dat speenkalwers wat op die mark kom, die pryse sal raak - maar dit is nie die geval nie.
"Die wonderlike uitvoermark wat die voerkrale van die land ontwikkel het, het ten minste R10,00 'n kg op speenkalfpryse gelaai," sluit Derksen af.
Vir meer inligting besoek www.vleisprys.co.za.
OFM-nuus
