Africa News
SA adjunk-president verwelkom leiers uit ballingskap─── CATHY DLODLO 12:19 Sun, 12 Feb 2017
Maseru - Suid-Afrika se Adjunk-president, Cyril Ramaphosa, gaan na verwagting politieke leiers van Lesotho, wat al meer as twee jaar in ballingskap was, terugverwelkom.
Woordvoerder, Ronnie Mamoepa, sê drie leiers – voormalige eerste minister Tom Thabane, Theselle Maseribane and Keketso Rantsho – gaan na verwagting binne die volgende twee uur in Maseru aanland.
OFM-nuus het met inwoners gepraat wat in afwagting van vroeg vanoggend af by die stadion langs die Maseru winkelsentrum saamtrek. Vreugdevure brand hoog ten spyte van die feit dat reën reeds in die stad begin uitsak het.
Die leiers keer terug ná intense onderhandelinge wat deur Ramaphosa – as fasiliteerder van die SADC - gelei is. Hy is sedert Vrydag in Lesotho waartydens die finale reëlings vir die terugkeer van die leiers vasgemaak is.
OFM-nuus
