Local News
Brand woed by Dewetsdorp─── CHRISTAL-LIZE MULLER 17:10 Wed, 07 Oct 2015
Dewetsdorp - 'n Hewige veldbrand, wat vinnig versprei, woed naby Dewetsdorp in die Vrystaat.
Voorsitter van die Dewetsdorp-brandvereniging, Johann Breytenbach, sê boere van die gebied en ‘n brandspan van Working on Fire spook sedert vroeg vanmiddag om die vlamme, wat deur sterk wind aangeblaas word, onder beheer te bring.
Breytenbach sê warm en droogtetoestande ná die winter bemoeilik egter hul taak. Volgens hom het die brand op die plaas Deelpan ontstaan en in ‘n oostelike rigting na Hobhouse versprei. Die oorsaak is nog onbekend.
Duisende hektaar weiveld het ‘n paar maande gelede in die gebied afgebrand weens ‘n wegholbrand.
Christal-Lize Muller/OFM-nuus
