Die twee grootste rolspelers in die veebedryf, Graan SA en ALFA, gaan van 29 September tot 1 Oktober 2022 die heel eerste keer die NAMPO ALFA Lewendehawe-, Jag- en Buitelewe-ekspo op NAMPO Park, net buite Bothaville, aanbied.

OFM is die troste amptelike mediavennoot van die ekspo en sal regstreeks vanaf NAMPO Park uitsaai op Donderdag, 29 September en Vrydag, 30 September vanaf 12:00 tot 15:00, en Saterdag, 1 Oktober vanaf 09:00 tot 12:00.

Jy kan ook hier jou #BakkieArm kom koop vir 'n donasie vanaf R100 - fondse gaan aan Agri Securitas. Lees meer: https://bit.ly/OFMBakkieArm.

Met ‘n groot verskeidenheid uitstallers in die lewendehawe-, jag- en buitelewe-industrieë, beloof die ekspo om vir lewendehawe- en natuurliefhebbers, jagters, avontuurlustiges en natuurlik die adrenalienverslaafdes ‘n fees te wees. Jy sal ’n volwaardige skietbaan met demonstrasies kan geniet, 4x4-voertuie op ’n praktiese roete kan bestuur, en die nasionale veldren met bekende renjaers in aksie kan sien. Daar sal ook van die beste diere in die land te sien wees en jy sal vleis kan proe van verskillende rasse.

Kaartjies is beskikbaar by ticketpros.co.za.