Die uMkhonto we Sizwe Party het sy aansoek teen die Onafhanklike Verkiesingskommissie (OVK) by die Kieshof teruggetrek.

Die party het die hof gevra om die 2024-verkiesingsuitslae ongeldig te verklaar omdat daar na bewering stembedrog was.

STRATEGIC WITHDRAWAL OF ELECTORAL COURT APPLICATION

We confirm that on 03 July 2024, we delivered a notice to the Electoral Court withdrawing our application.

We initiated the application to challenge the conduct of the Independent Electoral Commission to declare the national… pic.twitter.com/F7qisfvfmM

— uMkhonto WeSizwe Party (@MkhontoweSizwex) July 4, 2024

Die party se besluit om die saak terug te trek kom net ’n week nadat die OVK die hof versoek het om die party se aansoek van die hand te wys. Die OVK het verklaar dat die MK Party versuim het om geloofwaardige of toelaatbare bewyse te bied om sy aantygings van stembedrog te ondersteun.

Boonop het die party nie aan Artikel 55 van die Kieswet voldoen nie, wat vereis dat appèlle teen verkiesingsuitslae binne drie dae ná hul verklaring ingedien moet word.

MK Party Withrawal of application

Read here. I was correct.
The evidence was not provided in the application.
Additionally, I will remind anyone challenging the results - obtain a court order to audit and analyze the IEC’s system - code changes etc pic.twitter.com/skgKzHVNF8

— Vimlesh Rajbansi (@VimleshRajbansi) July 3, 2024

Die party het twee weke later sy appèl ingedien sonder om redes vir die vertraging te verskaf. Die party het beweer dat meer as 9,3 miljoen stemme nie verantwoord is nie.

Die OVK het dit egter teengestaan en gesê dat die MK Party verkiesingsdata en -uitslae wanvoorgestel het. Die kommissie het die hof gevra om die aansoek van die hand te wys en ’n kostebevel aangevra.

BREAKING
The Electoral Court has sentenced two MKP members to a fine of R150 000 each for breaching sec 81 & 82 of the Electoral Act by inciting violence and riots prior to the elections.
Visvin Reddy and Bonginkosi Khanyile had their fines suspended for a period of five years. pic.twitter.com/39QrZxekFG

— Ismail Abramjee (@IsmailAbramjee) July 3, 2024

Die Kieshof het intussen ook twee MKP-lede tot ’n boete van R150 000 elk gevonnis vir die oortreding van artikel 81 & 82 van die Kieswet deur geweld en oproer voor die verkiesing aan te hits. Visvin Reddy en Bonginkosi Khanyile se boetes is vir ’n tydperk van vyf jaar opgeskort.

OFM Nuus cg