In die aanloop tot die Wêreldbekerrugbytoernooi in Australië in 2027, het die Springbokke ’n nuwe leuse bekendgestel wat reeds van Vrydag af gebruik gaan word.

Suid-Afrikaners word gevra om eerskomende Vrydag, die eerste #BokVrydag van die jaar, te vier deur groen-en-goud te dra om die span en sy boodskap aan die land – van inklusiwiteit en optimisme – te ondersteun.

‘Suid-Afrika is sterker as sy mense saamstaan’

Bokaanhangers het die afgelope twee Wêreldbekertoernooie #StrongerTogether gebruik, wat onveranderd bly as die oorhoofse leuse, maar in die toekoms sal #ForeverGreenForeverGold ook gebruik word.

Die Bokke vra Suid-Afrika om “Forever Green, Forever Gold” te ondersteun en die span se boodskap te versterk dat Suid-Afrika sterker is as sy mense saamstaan.

We are #ForeverGreenForeverGold - more here: https://t.co/1ewLWbA4Ry ????#Springboks pic.twitter.com/ynxzQsgbbi

— Springboks (@Springboks) July 1, 2024

Die Springbokke het die Wêreldbeker gewen met ’n span wat bestaan uit spelers met vyf verskillende huistale. Nou verdubbel die span die sentiment deur Suid-Afrika te vra vir ’n lewenslange verbintenis tot dié beginsel en alles waarvoor dit staan – “Forever Green, Forever Gold”.

Die Springbokke sal eerskomende naweek vir die eerste keer in Suid-Afrika speel sedert hulle weer die Rugbywêreldbeker gewen het. In die eerste uitverkoopte wedstryd van ’n reeks van twee toetse, kom die Bokke Saterdag in Pretoria te staan teen die naasbeste span, Ierland.

Springboks - Boks Ask SA To Go “Forever Green, Forever Gold” @ https://t.co/1sGFTbL2V9 pic.twitter.com/beBZzJHCIp

— Ruggas (@Ruggascoza) July 2, 2024

Die kleure is nie net die kleure waarin die span speel nie; dit verteenwoordig die hart en siel van Suid-Afrikaanse rugby, verskans die blywende gees van die span en sy ondersteuners, simboliseer eenheid, veerkragtigheid en trots.

“Hierdie nuwe slagspreuk is ’n verbintenis tot ’n onwrikbare toewyding aan die spel en mekaar as Suid-Afrikaners,” sê Mark Alexander, president van die Suid-Afrikaanse Rugbyunie. “Dit weerspieël ons vaste oortuiging dat ons krag in ons eenheid en diversiteit lê. Wanneer ons as een saamkom, is ons baie moeilik om te klop.”

OFM Nuus mvh