Language het in die eindstryd teen die SWD Arende twee drieë gedruk en is een van twee veranderinge aan die span wat verlede naweek tot die eindstryd deurgedring het.

Die skrumskakel, Malherbe Swart, is ook terug in die nommer nege trui wat hy met onderskeiding in verlede jaar se eindstryd gedra het. Hy vervang Chriswill September terwyl Language in Jaco Jordaan se plek gekies is.

Hoewel Language gekies is, bly Jandré Rudolph die kaptein van die span.

Rudolph en sy span het die ligafase onoorwonne met vyf bonuspuntoorwinnings afgesluit, onder andere met ‘n oorwinning oor die Griffons.

Die Luiperds kan die Eersteliga die tweede agtereenvolgende keer wen nadat hulle voorheen vier keer onsuksesvol was, in 2001, 2003, 2006 en 2008.

Luiperds teen Griffons: Jaco Hayward; Dean Gordon, Juffrou Vermeulen, Johan Deysel, Bradley Moolman; Gene Willemse, Malherbe Swart; Jeandré Rudolph (Kaptein), HP Swart, Juan Language, Walt Vermeulen, Stairs Mhlongo, Panda Dekker, Dane van der Westhuyzen, Roan Grobbelaar. Reserwes: Louis van der Westhuizen, Kabelo Motaung, Francois Robertse, Marno Redelinghuys, Jaco Jordaan, Chriswill September, Sandile Khubeka.

Eersteliga-eindstryde sedert 2000: 

2000: Blou Bulle 41 OP 20, Loftus Versfeld

2001: Boland 41 Luiperds 27, Bolandstadion

2002: Arende 29 Grens 20, Outeniquapark

2003: Boland 27 Luiperds 25, Olënpark

2004: Boland 23 Grens 22, Bolandstadion

2005: Pumas 25 Valke 16, Barnardstadion

2006: Boland 37 Luiperds 13, Olënpark

2007: Arende 38 OP 3, Outeniquapark

2008: Griffons 31 Luiperds 26, Olënpark

2009: Pumas 47 Arende 19, Pumastadion

2010: OP Kings 16 Arende 12, Outeniquapark

2011: Boland 42 OP Kings 12, Bolandstadion

2012: OP Kings 26 Pumas 25, Nelson Mandelastadion

2013: Pumas 53 OP Kings 30, Mbombelastadion

2014: Griffons 23 Valke 21, Welkom

2015: Luiperds 44 Arende 20, Olënpark