Londen - Die Wallaby-losskakel Matt Giteau is gekies om die Barbarians Saterdag as kaptein teen die Springbokke op Twickenham te lei.

Dit is Giteau se derde wedstryd in vier jaar vir die Barbarians, maar sy eerste kragmeting met die kaptein se armband.

Dié Australiër weet reeds hoe oorwinnings teen Suid-Afrika én Nieu-Seeland in die Barbarian-trui proe en sal Saterdag saam met vyf van sy landgenote uitdraf.

'Dit is vir my 'n groot eer om as kaptein gekies te word. En ek is dankbaar vir die Barbarians-komitee se vertroue in my,' het Giteau gesê.

Afskoptyd Saterdag in Londen is 16:30.

Barbarians:

15 James O'Connor (Australië), 14 Joe Rococoko (Nieu-Seeland), 13 Adam Ashley-Cooper (Australië), 12 Ma'a Nonu (Nieu-Seeland), 11 Drew Mitchell (Australië), 10 Matt Giteau (Australië, kaptein), 9 Will Genia (Australië), 8 Colin Bourke (Chiefs), 7 Martyn Williams (Wallis), 6 Rodney So'oialo (Nieu-Seeland), 5 Chris Jack (Nieu-Seeland), 4 Anton van Zyl (Stormers/WP), 3 Neemia Tialata (Nieu-Seeland), 2 Stephen Moore (Australië), 1 Salvatore Perugini (Italië).

Plaasvervangers: 16 Keven Mealamu (Nieu-Seeland), 17 John Yapp (Wallis), 18 Quintin Geldenhuys (Italië), 19 Daniel Braid (Nieu-Seeland), 20 Andy Ellis (Nieu-Seeland), 21 Stephen Donald (Nieu-Seeland), 22 Seru Rabini (Fidji). - Sapa-AFP