Off-Beat-News
Skilpaaie veroorsaak konsternasie by JFK─── 10:20 Sun, 17 Jul 2016
Meer as 400 waterskilpaaie het vlugte in New York vertraag omdat hul broeigebied naby die aanloopbane by die John F. Kennedy Internasionale Lughawe is.
Associated Press berig van die diertjies het oor die aanloopbane begin kruip en werkers moes hulle inderhaas bymekaarmaak voordat hulle in die pad van vliegtuie beland.
Dit gebeur blykbaar gereeld dat die diere hul weg na die lughawe vind en plastiekversperrings wat aangebring is, blyk min effek te hê.
Die waterskilpaaie is intussen na 'n plek van bewaring geneem naby Jamaica Bay.
AP
