Local News
Nuwe hoop vir #NW se Vuk'uphile slagoffers─── LUCKY NKUYANE 08:58 Tue, 16 Oct 2018
Die omstrede Vuk'uphile program deur die Noordwes Openbare Werke Departement - wat tans onder administrasie is - en gelei het tot die ondergaan van talle maatskappye, word weer aangespreek.
'n Ooreenkoms is Maandag bereik, na 'n vergadering met ontevrede kontrakteurs wat die departement daarvan beskuldig dat hulle ingedoen is, nadat die departement 'n paar jaar gelede van die program ontslae geraak het. Dit behels glo dat die program weer geopen kan word, of minstens dat die kontrakteurs hul geld kan terugkry. Dit kom na ingryping deur die Openbare Beskermer, Busisiwe Mkhwebane.
Die opkomende kontrakteurs was miljoene geskuld en hul kontrakte is skielik gestop, wat daartoe gelei het dat sommige groot verliese gely het. Een van die kontrakteurs, wat anoniem wou bly, het aan OFM-nuus gesê dat 'n prokureursfirma aangestel is om die bedrae verskuldig aan die maatskappye te bereken.
OFM-nuus
