Local News
Onduidelik of afsonderlike rooftogte in Welkom en Theunissen verband hou─── CHRISTAL-LIZE MULLER 08:55 Thu, 18 Jun 2015
Welkom - Die polisie in die Vrystaat sê dit is nog onduidelik of twee afsonderlike OTM-rooftogte Maandag in Welkom en vroeër die jaar op Theunissen verband hou en of ‘n sindikaat moontlik betrokke is.
Polisiewoordvoerder, Stephen Thakeng, sê vyf gewapende rowers het Maandagoggend omstreeks 01:00 ‘n kitsbank in ‘n winkel by ‘n vulstasie in Welkom opgeblaas. Drie werknemers is aangehou en die rowers het met ‘n onbekende bedrag geld uit die bankteller en die winkel se kasregister gevlug. Hulle het met ‘n wit Nissan-bakkie gery.
In die ander voorval in Januarie het sewe gewapende mans ‘n vulstasie op Theunissen omstreeks 02:00 beroof. Thakeng sê die mans het hul voorgedoen as kliënte in die winkel. Volgens hom het die rowers ‘n wapen op die kassier gerig en geld uit die kasregister geëis. Werknemers en ander kliënte se selfone is ook gevat.
Thakeng sê ‘n kliënt, wat sy motor met brandstof wou vul, is daarna van sy motor beroof. Die motor is later verlate in Welkom gevind.
Christal-Lize Muller/OFM-nuus
Stephen Thakeng:
