Local News
Oud-skoolhoof van Laerskool Zeerust doodgeskiet─── 06:58 Tue, 17 Sep 2013
Zeerust - Sollie Botha (65) 'n oud-skoolhoof van Laerskool Zeerust in Noordwes, is Sondagoggend in die vroeë oggendure tydens 'n huisrooftog doodgeskiet.
Kelebogile Moiloa, ‘n polisiewoordvoerder, het gesê Botha en sy vrou is Sondagoggend omstreeks 01:00 deur vier mans in hul huis oorval.
Botha het in 'n stoorkamer op die mans afgekom en hulle het hom in sy kop geskiet.
Botha se vrou kon daarin slaag om weg te hardloop.
Die vier mans het ook gevlug.
Volgens Moiloa ondersoek die polisie 'n saak van huisbraak en moord.
Niemand was nog teen gistermiddag in verband met die voorval in hegtenis geneem nie.
Maroela Media
Maroela Media
