Central SA
Potensiële ingryping by Vrystaatse munisipaliteit ná aanhoudende swak dienslewering─── CHARNÉ VAN DER MERWE 10:21 Sun, 03 Nov 2024
Moontlike ingryping in ’n Vrystaatse munisipaliteit word as die pad vorentoe beskou as hy aanhou om sy plig teenoor inwoners te versuim.
Saki Mokoena, LUR vir samewerkende regering en tradisionele sake, het ’n waarskuwing in ’n brief aan die Masilonyana-munisipaliteit, wat Brandfort, Theunissen, Winburg en Verkeerdevlei omvat, gerig oor die moontlikheid van ingryping, sê Willem Potgieter VF Plus, Masilonyana-munisipaliteit.
Die LUR het ook ’n beroep op die raad gedoen om die aanstelling van Amos Mokoae, finansiële hoof (HFB), te herroep.
Volgens Potgieter het dienslewering in dié dorpe heeltemal tot stilstand gekom, en was die munisipaliteit verplig om verlede week ’n dringende hofaansoek teen ’n kontrakteur in te dien om watertoevoer na inwoners te herstel.
Saki Mokoena, LUR vir samewerkende regering en tradisionele sake. Foto: X
“Solank as wat die ANC-rebelleraad in beheer van die Masilonyana plaaslike munisipaliteit bly, sal ’n Artikel 139-ingryping nie die voortdurende diensleweringskrisis wat inwoners in die gesig staar, oplos nie.”
Potgieter het daarop gewys dat die ANC-rebelleraad al maande lank die LUR se bevindings verontagsaam het wat bepaal het dat die HFB, wat voorheen skuldig bevind is aan finansiële wanbestuur in die Mafube plaaslike munisipaliteit, onwettig is en verwyder moet word.
“Die VF Plus het lank gewaarsku dat die raad se versuim om op te tree teen Mokoae ernstige gevolge vir dienslewering het.”
Dienslewering het tot stilstand gekom
Hy sê die gemeenskappe is gereeld vir lang tydperke sonder water sit, soms tot ’n week, terwyl belastingbetalersgeld verkwis word en nie vir noodsaaklike dienste aangewend word nie.
“Tans was talle soortgelyke ingrypings in munisipaliteite soos Mafube en Tokologo onsuksesvol, grootliks weens konflikte tussen ingrypingspanne en die munisipaliteite.”
‘Realiteit is dat die ANC nie dissipline onder sy raadslede kan afdwing nie’
Potgieter het beklemtoon dat enige lewensvatbare herstelplan onder toesig van ’n funksionerende munisipale raad moet plaasvind. Tans is die raad nie eens in staat om ’n onwettig aangestelde finansiële hoof te verwyder nie.
“Die realiteit is dat die ANC nie dissipline onder sy raadslede in Masilonyana kan afdwing nie. Die enigste manier om Masilonyana te red, is om die ANC uit die raad te hou.”
