Central SA
Steeds geen teken van Vrystaatse akteur─── KEKELETSO MOSEBETSI 10:50 Mon, 15 Jul 2024
“Die gesin het na Botshabelo gegaan om hom as vermis aan te meld, en die polisiekantoor het ’n soektog van stapel gestuur.”
Vrystaatse polisie vra die publiek moet hulle help soek na ’n akteur van Botshabelo wat ondanks soektogte steeds vermis word.
Pesa Pheko (37), die besturende direkteur by Botshabelo se Kuns-kultuur-en-erfenissentrum, is deur sy familie as vermis aangemeld nadat hy Woensdag (10/7) laas gesien is toe hy hul huis in die L-afdeling van Botshabelo verlaat het. Hy het glo openbare vervoer na Bloemfontein gehaal vir ’n hospitaalafspraak, maar nooit teruggekeer huis toe nie. Pogings deur die polisie, familie en kollegas om hom in die hande te kry, was alles vergeefs.
Pesa Pheko. Foto: Facebook
Ten tyde van sy verdwyning het Pheko ’n lang groen bomwerperbaadjie, swart jeans, swart tekkies en ’n vaal mus gedra. Mahlomola Kareli, Vrystaatse polisiewoordvoerder, het die beskrywing verskaf en enigiemand met inligting oor waar Pheko hom kan bevind, versoek om na vore te kom.
“Die familie het na Botshabelo gegaan om hom as vermis aan te meld, en die polisiekantoor het ’n soekgeselskap van stapel gestuur.”
????MISSING PERSON ALERT????
— Ma’Ndlovu (@kekeletso_Ma) July 14, 2024
Please help us find PESA PHEKO!!!
Pesa was last seen on the 10th of July leaving his family house at L-Section Botshabelo to board public transport to Bloemfontein.
If you know his whereabouts please contact: Captain Sego 0781849105#MISSINGPERSON pic.twitter.com/wg9bWHtiXX
Enigiemand wat dalk weet waar hy hom bevind, word versoek om kapt. Sego van die provinsiale eenheid vir georganiseerde misdaad te nader by 078 184 9105 of die kantoor by 051 507 6622. So nie, bel die Stop Misdaad by 08600 10111 of laat ’n anonieme wenk op die MySAPS-app.
‘Pheko daartoe verbind om kunsontwikkeling te bevorder’
In 2019 het die regeringswebtuiste Vuk’uzensele berig Pheko, ’n akteur, kultuuraktivis en poppespeler, kry die kinders op sy tuisdorp, Botshabelo, om na hul eie deuntjie te dans.
Pheko is sowat 17 jaar gelede aan die kunste bekendgestel toe hy op hoërskool oudisies vir Sarafina gedoen het en die beoordelaars beïndruk het. Hy het voortgegaan om in vertonings soos The Lion King, Phantom of the Opera en Moshoeshoe op te tree.
Pheko “is daartoe verbind om gemeenskapskunsontwikkeling te bevorder deur sy Botshabelo-Kuns-kultuur-en-erfenissentrum en Legacy Kiddies Village, wat kinders van selfs net drie jaar die kuns van poppespel, mondelinge storievertelling, dans, musiek en drama leer”.
Destyds het hy saam met 30 vroeëkinderontwikkelingsentrums en vier skole in Botshabelo gewerk en belangstelling is in sy werk getoon deur mense in die nabygeleë Marquard en selfs van Lesotho.
“Die sentrum, geleë in ’n hoëmisdaad-en-bendegeteisterde gebied, bied ’n Donderdag-storievertellersprogram aan sodat inwoners bymekaar kan kom en hul lewensverhaal vertel, wat help met die genesing en opheffing van die deelnemers.”
Die sake van vermiste persone in die Vrystaat, veral waarby vroue en meisies betrokke is, bly ’n groot bekommernis. Dikwels loop dit uit op ’n tragedie wanneer die vermiste se liggaam ontdek word in die veld of in ’n stroom.
Vroeër vanjaar is vier liggame gevind in ’n stroompie wat deur ruie plantegroei langs die N8 langs die spoorlyn in Botshabelo loop. Dit het inwoners van Botshabelo bekommerd gestem, wat daartoe gelei het dat die provinsiale kommissaris die gebied as ’n brandpunt vir kriminele aktiwiteite verklaar het.
