Central SA
Piet van Wyk de Vries oorlede─── 10:27 Sat, 13 May 2023
Piet van Wyk de Vries/FOTO: Wikipedia
Een van Suid-Afrika se bekendste liedjieskrywers, Piet van Wyk de Vries, is op 11 Mei oorlede.
Hy het Sondag 7 Mei sy 51ste verjaarsdag gevier.
Piet was die meesterbrein agter verskeie liedjies van Dozi, Mathys Roets en Ricus Nel. Hy was ook ‘n solokunstenaar wat vier oorspronklike soloalbums uitgereik het.
In ‘n nuusbrief van die Atterbury Teater word genoem dat die sanger op 7 Mei vanjaar, slegs vier dae voor sy dood, sy laaste vertoning gelewer het.
Kanker is in 2020 by hom gediagnoseer, en hy het besluit om uit die kollig te tree ná sy vertoning, “Die Laaste Show”, verlede Sondag in dié teater.
OFM-nuus/Elsabé de Jager
