Agri Hour
Turksvy-plante is voorwaar geskik vir veevoerdoeleindes in droogtegebiede─── CHRISTAL-LIZE MULLER 06:44 Fri, 25 Oct 2019
Turksvy-plante kan die antwoord wees vir veeboere in veral droogtegebiede as ‘n alternatiewe bron vir veevoer.
Dr. Herman Fouché, 'n navorser by die Landbounavorsingsraad (LNR), meen as die korrekte turksvy-kultivars aangeplant word, kan dit met min water, groot hoeveelhede ruvoer produseer, omdat dié plant se waterverbruik doeltreffend is. Hy sê dié plant kan droogtetoestande weerstaan en is fisiologies aangepas om dit te doen. Turksvy-plante is goed aangepas by verskillende klimaatstoestande en grondsoorte.
Die hele plant kan benut word, insluitende die oneetbare vrugte, of ‘n boord se hele oes kan gebruik word om diere te voer. Die sap van die vrugte word ook aangewend om kuilvoer te maak.
Hy sê dit is ‘n gesonde plant wat hoofsaaklik ‘n bron van energie is vir diere.
OFM-nuus se Christal-Lize Muller het met Fouché gepraat…
Sien onderstaande PODCAST
Dit was dr. Herman Fouché, 'n navorser by die Landbounavorsingsraad (LNR) slegs op Before Dawn. Skakel Maandag in op Before Dawn saam met Gerben van Niekerk van 05:00 tot 06:00 wanneer Fouché speaks verder praat oor bestaande turksvy-boerderypraktyke en beleggingsmoontlikhede wat die produksie van dié vetplant inhou.
OFM-nuus
