Polisiewoordvoerder, Yanga Ngcukana, het bevestig dat dele van die saal, waar die munisipale geboue geleë is, omstreeks 02:00 vanoggend aan die brand gesteek is. Hy sê die oorsaak van die brand is nog onbekend en dat dit deel sal vorm van die polisie se ondersoek. Ngcukana sê die vuur is ook vanoggend geblus en dat die owerhede nog op die toneel is.

“Ons kan in hierdie stadium nie sê waar in die gebou die brand begin het nie. Dit is net die hoofstadsaal wat aan die brand gesteek is. Ons is gelukkig dat die munisipale kantore self nie uitgebrand het nie.

Daar is ook nie enige dokumente wat in die proses vernietig is nie.

In hierdie stadium word gemene spel nie uitgesluit nie en geen verdagtes is nog in hierdie verband vasgetrek nie. Die polisie is nou op die toneel om te bepaal hoeveel skade aangerig is,” sê Ngcukana.

Die sandsteengebou is in die jaar 1927 gebou.

OFM-nuus