Local News
Munisipaliteite in Noordwes sukkel steeds: OG─── DANE BEISHEIM 10:45 Fri, 19 Feb 2016
File photo
Potchefstroom - Die prestasie van munisipaliteite in Noordwes was een van die hoofpunte op die agenda by vandeesweek se Lekgotla wat deur lede van die provinsiale Uitvoerende Raad bygewoon is.
Afgevaardigdes het onder meer 'n verslag deur die Ouditeur-Generaal (OG) ontvang wat 'n verbetering in sommige munisipaliteite weerspieël het. Daar is egter steeds verskeie munisipaliteite wat ernstige aandag verg. Die verslag was veral krities oor die gebrek aan vordering in die Tswaing- en Ventersdorp-munisipaliteite.
Volgens plaaslike regeringswoordvoerder, Brian Setswambung, het die Noordwes-Universiteit ingestem om sy kundigheid in te span om die provinsiale regering by te staan met betrekking tot sukkelende munisipaliteite.
Die Lekgotla word beskou as 'n voorloper tot die Provinsiale Rede, wat volgende Vrydag in Matlosana deur Premier Supra Mahumapelo gelewer sal word.
OFM-nuus
