Trump het die demokratiese kandidaat Kamala Harris uitgestof, wat gelei het tot ’n vlaag gelukwensingsboodskappe van regoor die wêreld.

“Baie geluk aan die verkose president van die Verenigde State, Donald Trump, met u terugkeer na die presidentskap.

“Ek sien uit daarna om die noue en wedersyds voordelige vennootskap tussen ons twee nasies oor alle domeine van ons samewerking voort te sit,” het Ramaphosa oor die verkiesing gesê.

This is why Trump won. Whether he will truly do anything about it is another question, but this is why he won. Excellent analysis here ... pic.twitter.com/AbBTLTjTGA

— David Icke (@davidicke) November 6, 2024

Hy het gesê die land sal “nou saamwerk met die VSA” tydens sy G20-presidentskap volgende jaar, terwyl Amerika voorberei om in 2026 oor te neem.

Trump sal die 47ste presidentskap van die Verenigde State beklee ná sy verkiesing in ’n verstommende politieke terugkeer ná een van die mees verdelende verkiesingsveldtogte in die Amerikaanse geskiedenis. Dié 78-jarige het tussen 2017 en 2021 ook as president gedien.

Associated Press beskryf dit as ’n uitsonderlike suksesverhaal van ’n voormalige president wat geweier het om te aanvaar dat hy vier jaar gelede die presidentsverkiesing verloor het.

Congratulations to United States President-Elect @realDonaldTrump on your return to the Presidency.

I look forward to continuing the close and mutually beneficial partnership between our two nations across all domains of our cooperation.

In the global arena, we look forward to… pic.twitter.com/HoQUQpp1gD

— Cyril Ramaphosa ???? (@CyrilRamaphosa) November 6, 2024

JD Vance is vandag verkies tot die volgende visepresident van Amerika. Hy is die derde jongste tot nog toe en word beskou as een van dié met die minste ervaring maar die mees polariserende politici. Hy is Amerika se 50ste visepresident en sal ingesweer word net twee jaar nadat hy sy eerste openbare amp as senator van Ohio aanvaar het.

Die New York Times berig Vance is anders as enige vorige visepresident in die moderne era. Nog niemand het in dié werk ingestap met so ’n uitgebreide openbare rekord van kritiek teenoor sy of haar leier nie.

Trump het die wedloop gewen ondanks die feit dat hy aan misdaad skuldig bevind is, twee sluipmoordpogings oorleef het en ’n aanslag van visepresident Kamala Harris oorkom het nadat sy ’n ongewilde president Joe Biden in die laaste maande van die veldtog vervang het.

THANK YOU!

To my beautiful wife for making it possible to do this.

To President Donald J. Trump, for giving me such an opportunity to serve our country at this level.

And to the American people, for their trust. I will never stop fighting for ALL of you.

— JD Vance (@JDVance) November 6, 2024

Hy is verkies deur ’n land wat diep verdeeld is oor immigrasie, aborsie en buitelandse beleid, en steeds die knyp voel ná die grootste oplewing van inflasie in vier dekades. Trump het ook gehelp dat Republikeine die Senaat herower. 

“Ons het pas die grootste politieke terugkeer in die geskiedenis van die Verenigde State van Amerika gesien,” het Trump Woensdag tydens vieringe op sy verkiesingswagpartytjie in West Palm Beach, Florida, gesê.

Internasionaal kan Trump se terugkeer Amerika se sogenaamde veiligheidsverpligtinge in twyfel trek, veral teenoor Oekraïne, aangesien dit Rusland se inval afweer. Trump het ook belowe om die handelstryd met China op te skerp en ook tariewe vir ander lande in te stel – skuiwe wat wêreldhandel kan ophef.

OFM Nuus mvh