'n Graanbemarker, Susari Koegelenberg, sê die Amerikaanse mieliemark het Dinsdag ietwat opwaarts verhandel op grond van tegniese kopers. Dit is weens laer oesgradering deur die Amerikaanse Departement van Landbou (USDA). Onsekerheid rondom die akkuraatheid van die aangeplante mieliehektare heers ook steeds in die mark, en die mark kan volatiliteit verwag tot die volgende hektare-skatting in Augustus.

Sy sê sojaboonpryse het  verdere dalings gesien met goeie weervooruitsigte vir die komende week. Die droeër weer bied produsente die geleentheid om  hul aanplantings te finaliseer met die moontlikheid van beter opbrengspotensiaal.

Koringpryse verhandel weer eens swakker op grond van ‘n aansienlike hoër strooptempo met verdere goeie weerstoestande wat die tendens sal laat voortsit die komende week.

In die plaaslike mark is die onsekerheid rondom die grootte en gehalte van die komende oes steeds duidelik. Kommer oor die mielieseisoen, wat later aangeskuif het, speel waarskynlik ook ‘n rol in prysvorming, met premies wat geredelik aangebied word op Basislink in veral die sentrale en westelike produksiegebied. OFM se Gerben van Niekerk het met haar gepraat...

Die Safex-pryse op OFM is moontlik gemaak deur Senwes Grainlink.  Bel vandag nog jou naaste graanbemarker of silobestuurder. Senwes Grainlink - breek nuwe grond.

OFM-nuus