Local News
Bainsvlei-moord: Man verskyn Maandag─── 17:46 Thu, 16 Apr 2015
Bloemfontein - Die man wat gistermiddag deur polisie in Bloemfontein in hegtenis geneem is in verband met die moord op die tienermeisie, Noeline Koekemoer, verskyn Maandag in die Bloemfonteinse Landdroshof.
Polisiewoordvoerder, Chaka Marope, het vanmiddag aan OFM-nuus gesê die verdagte is die enigste wat tot dusver met die moord verbind word en hulle soek nie na nog verdagtes nie.
Koekemoer se ma, Natasha Mans, het verlede Dinsdag op haar dogter se lyk in hul woonstel op ‘n kleinhoewe in Bainsvlei afgekom. Marope het vroeër gesê klagte van moord en verkragting word ondersoek.
Owen Kock/OFM-nuus
