World News
Iran president skiet nuwe VN-sanksies af─── 08:42 Thu, 10 Jun 2010
Iranse president, Mahmoud Ahmadinejad, het nuwe VN-sanksies teen sy land afgemaak as iets wat in 'n asblik hoort. Die Veiligheidsraad het gister ten gunste van nuwe strafmaatreëls teen Iran gestem aangesien die land nie sy kernverrykingsprogram stopgesit het nie. Die sanksies sluit in strenger finansiële beperkings en 'n uitgebreide wapenboikot. Iran ontken egter dat hulle kernwapens bou. Amerikaanse president, Barack Obama, sê die sanksies dra 'n duidelike boodskap oor van die internasionale gemeenskap se vasberadenheid om die verspreiding van kernwapens te keer.
BBC
